"ტოტენჰემის” მთავარი მწვრთნელი კატალონიის დედაქალაქში იმყოფება.

გავრცელებული ინფორმაციით, პორტუგალიელი სპეციალისტი ბარსელონაში იმისათვის ჩაფრინდა, რომ "ბლაუგრანას” ახალგაზრდული აკადემიის სავარჯიშო პროცესს დასწრებოდა. საინტერესოა, რომ ამ საქმესთან დაკავშირებით, კატალონიის დედაქალაქში ეს ვილაშ-ბოაშის პირველი ვიზიტი არაა, აღნიშნავს ესპანური პრესა.

ერთ-ერთმა წყარომ, რომელიც პორტუგალიელთან ახლოსაა, პრესას შეატყობინა, რომ ვილაშ-ბოაში "ბარსელონას” ფეხბურთელების ხარჯზე "დეზების” შემადგენლობის გაძლიერებას განიხილავს. ანდრე სერხი რობერტოს, ჯონათან დოს სანტოსსა და ხერარდ დეულოფეუს აკვირდებოდა. ზაფხულში, ამავე წყაროს ცნობით, "ტოტენჰემი” ამ ტრიოს შეძენას გეგმავს.