კატალონიის "ბარსელონას” ნახევარმცველმა თავისი მოსაზრებები გაგვიზიარა ჩემპიონთა ლიგის 1/2 ფინალური მატჩის შესახებ.

"ვიტყოდი, რომ შანსები 50/50-ზეა. "ბაიერნი” – ბრწყინვალე გუნდია, მან მოიგო ჩემპიონატი და გერმანიის თასის ფინალში გავიდა. ამ მომენტისათვის, ალბათ, ისინი ჩვენზე ოდნავ უკეთესად თამაშობენ, მაგრამ შევეცდებით, რომ ნახევარფინალში საფირმო ფეხბურთი ვაჩვენოთ. მიუნჰენელები თავიანთი ფეხბურთის თავს მოხვევას შეეცდებიან, რომელიც ბევრ რამეში წააგავს ჩვენსას. ვნახოთ, რა გამოვა ამისგან.” – ამბობს ჩავი.

"მნიშვნელოვანი იქნება გოლის სტუმრად გატანა, ვინაიდან მეტოქის სტადიონზე გატანილი გოლი ფაქტობრივად ორ ბურთად ითვლება.”

"ჩემპიონატი ძალიან მნიშვნელოვანია, ყოველ კვირას ვიბრძვით გამარჯვების მოსაპოვებლად. ჩვენ ვთქვით, რომ ამ სეზონში მთავარი სამიზნე ესპანეთის ჩემპიონატია, თუმცა ჩემპიონთა ლიგაც არა ნაკლებ გვმატებს მოტივაციას. მივედით 1/2 ფინალამდე და ახლა გვსურს ვაჩვენოთ ის, რაც შეგვიძლია. "ბარსელონაში” თამაში რთულია, რადგან ყოველთვის უნდა გაიმარჯვო.”