ხინეს კარვახალმა, თავდამსხმელის ჟერარ დეულოფეუს აგენტმა განაცხადა, რომ მისი კლიენტი "კამპ ნოუს” დატოვებას არ აპირებს.

ფეხბურთელს აქტიურად აკვირდებიან პრემიერ ლიგის კლუბები, მათ შორის კი, "მანჩესტერ სიტი”.

"როდესაც "ბარსელონას” მოინდომებს, ახალ კონტრაქტსაც მაშინ გავაფორმებთ. ჩვენი მხრიდან ამ თემასთან დაკავშირებით, არანაირი პრობლემა არ იქნება”, – ციტირებს კარვახალის სიტყვებსMarca.

"ჟერარი ძალიან ახალგაზრდაა და "ბარსელონა ბ”-ს შემადგენლობაში ძალიან კარგად თამაშობს. მას კატალონიური გრანდის დატოვება არ სურს”.

მიმდინარე სეზონში, სეგუნდა დივიზიონის ეგიდით, ჟერარ დეულოფეუმ ჩატარებულ 27 შეხვედრაში 18 გოლი გაიტანა.