"ბარსელონას” პლეიმეიკერი ხავი თვლის, რომ კატალონიელების ამჟამინდელ თაობას ჯერ კიდევ შეუძლიათ ახალი მწვერვალების დაპყრობა.

"ჩვენ 4-5 შესანიშნავი წელიწადი გვქონდა, ბევრი ტიტული მოვიგეთ. თუმცა ვფიქრობ, რომ ჩვენი ერა ჯერ კიდევ არ დასრულებულა. ამ ფეხბურთელებით დაკომპლექტებულ ჩვენ გუნდს წარმატებების მიღწევის გაგრძელება კიდევ შეუძლია”, – აცხადებს ესპანელი.

"შიდა ჩემპიონატს ვლიდერობთ და ჩემპიონთა ლიგაზე ასპარეზობას განვაგრძობთ. ვიმედოვნებ, ტიტო ვილანოვას გამო ამ ტიტულების მოგებას შევძლებთ. მან ეს დაიმსახურა”.

"პსჟ”-სთან პირველი მატჩის რეზულტატი? 2:2 – კარგი ანგარიშია, იმის გათვალისწინებით, რომ სტუმრად ვითამაშეთ. განმეორებით შეხვედრას ოპტიმისტურად შევყურებთ, რომელიც "კამპ ნოუზე” გაიმართება, მიუხედავად კონტრშეტევებზე ოსტატურად მოთამაშე მოწინააღმდეგის სიძლიერისა”.

ბოლო 5-წლის განმავლობაში "ლურჯ-ბროწეულისფრები” ორჯერ ესპანეთის თასის, სამჯერ ესპანეთის სუპერთასის, სამჯერ ესპანეთის ჩემპიონატის, ორჯერ უეფას სუპერთასის, ორჯერ ჩემპიონთა ლიგისა და ამდენჯერვე მსოფლიოს საკლუბო ჩემპიონატის ტიტულების მფლობელნი გახდნენ.