ხავი ერნანდესს არ სჯერა, რომ ესპანეთის ეროვნულ ნაკრებში მისი პარტნიორი, მადრიდის "რეალის” გოლკიპერი იკერ კასილიასი შესაძლოა "ბარსელონაშიც” მისი თანაგუნდელი გახდეს.

"ცუდად ვხდები, როდესაც ვფიქრობ, რომ იკერი კარიერას სათადარიგოთა სკამზე დაასრულებს, ვფიქრობ, ეს არასამართლიანია. თუმცა, მიუხედავად ამისა, არამგონია, რომ იგი "ბარსელონაში” გადმოვიდეს”, – აცხადებს ხავი El Mundo Deportivo-სთან საუბრისას. კასილიასი – ნამდვილი მადრიდისტაა. "ბარსელონაში” მას გაშლილი ხელებით შევხვდები, თუმცა ამის ალბათობას ვერ ვხედავ”.

მოურინიოსთან კონფლიქტმა და დიეგო ლოპესის სასარგებლო თამაშმა კასილიასი იქამდე მიიყვანა, რომ იკერმა სასტარტო შემადგენლობაში ადგილი დაკარგა.