შეგახსენებთ, რომ ლიონელ მესი "პარი სენ ჟერმენთან” გამართულ მატჩში მოედანზე შეცვლაზე შევიდა, მიუხედავად ბოლომდე მოურჩენელი დაზიანებისა.

საბოლოო ჯამში "ბარსამ” (1:1) ფრედ ითამაშა და ჩემპიონთა ლიგის ნახევარფინალში გავიდა. ცოტა ხნის წინ კი Marca-მ შეგვატყობინა, რომ ლიონელმა კიდევ ერთხელ დაიზიანა ბარძაყის კუნთი და მიღებული ტრავმა უფრო გაირთულა.

"შემოწმებამ დაადასტურა, რომ მესის "პსჟ”-სთან გამართულ მატჩში დაზიანება არ გაურთულებია. იგი აღდგენით პროცესებს განაგრძობს. რეაბილიტაციის კურსი გვაჩვენებს, როდის შეძლებს იგი მინდორზე დაბრუნებას”, – წერია "ბარსელონას” ოფიციალურ განცხადებაში.

სავარაუდოდ, ლიონელი ესპანეთის ჩემპიონატის მომდევნო ტურის ეგიდით, "სარაგოსასთან” გასამართ გასვლით შეხვედრას გამოტოვებს.