"ბარსელონა” მარადიული მტრის მცველის ხელში ჩაგდების წინააღმდეგი არაა და სავარაუდოდ ზაფხულში კატალონიელები რამოსის ხელში ჩაგდებას შეეცდებიან.

როგორც El Mundo Deportivo იტყობინება, "ბარსელონა” "რეალის” მცველის სერხიო რამოსის შეძენის შესაძლებლობას განიხილავს. გამოცემა იტყობინება, რომ რამოსი გუნდის პოტენციალურ ახალწვეულთა სიაში იმყოფება.

"ბლაუგრანა” ეძებს ფეხბურთელს, რომელსაც ცენტრალური მცველის პოზიციაზე თამაში შეუძლია. გარდა რამოსისა, ამ სიაში შედიან ასევე დორტმუნდის "ბორუსიასა” და "პარი სენ ჟერმენის” მცველები მატს ჰუმელსი და ტიაგო სილვა.