ცნობილი ლეგენდარული თავდამსხმელი, რომელიც ადრე "ბლაუგრანას” შემადგენლობაში ასპარეზობდა, მიიჩნევს, რომ მისი თანამემამულე უდიდესს პროგრესს განიცდის, თუკი კატალონიელთა რიგებს შეუერთდება.

"ნეიმარს აქვს ყველაფერი იმისთვის, რომ მსოფლიოს ერთ-ერთი საუკეთესო ფეხბურთელი იყოს. ამის დანახვას ჩვენ იმ შემთხვევაში შევძლებთ, თუ იგი "ბარსელონაში” გადასვლას აირჩევს. ვფიქრობ, იქ ჩატარებული პირველი სეზონი, მისთვის რთული იქნება.”-აცხადებს "კიჭა” რონალდო.

"თუ ეს ასე მოხდა, ჩვენ სულ მალე ვნახავთ, რომ ნეიმარი ერთ-ერთი საუკეთესო მოთამაშეა. მე ამაში დარწმუნებული ვარ.”-დაასრულა ბრაზილიელმა ლეგენდამ.

მანამდე, კი ცნობილი გახდა, რომ "ბარსელონასა” და "სანტოსის” ხელმძღვანელები, ახალგაზრდა თავდამსხმელის ტრანსფერზე შეთანხმდნენ. თუმცა, ფეხბურთელი თავად აცხადებს, რომ არსად წასვლას აპირებს.