კატალონიურ გრანდს "პსჟ”-ს კაპიტანი გუნდის უკანა ხაზის გასაძლიერებლად სჭირდება.

არაერთხელ გავრცელდა ინფორმაცია იმის შესახებ, რომ "ბარსელონა”, რომელსაც, არ იქნებოდა ურიგო, რომ უახლოეს ზაფხულში დაცვის ხაზის ცენტრი გაეძლიერებინა, დორტმუნდის "ბორუსიასა” და გერმანიის ეროვნული ნაკრების მცველთან მატს ჰუმელსთან აწარმოებს მოლაპარაკებებს. თუმცა, როგორც აღმოჩნდა, გერმანელი – "კულეების” ერთადერთი სატრანსფერო მიზანი არაა: კატალონიელები "პარი სენ ჟერმენის” კაპიტნის ტიაგო სილვას შეძენაზე კიდევ ერთხელ დაფიქრდნენ.

"ბარსელონას” მთავარი მწვრთნელის ტიტო ვილანოვასა და კლუბის სპორტული დირექტორის ანდონი სუბისარეტას აზრით, მიუხედავად ბრაზილიელის მაღალი სატრანსფერო თანხისა, მისი შეძენა ამ რთული სიტუაციიდან ოპტიმალური გამოსვლა იქნება, სილვას საკლუბო გამოცდილების გათვალისწინებით.

გარდა ამისა, "ბარსელონაში” გადაბარგების წინააღმდეგი არაა თავად ტიაგო სილვაც, თუმცა, ჯერჯერობით უცნობია "პსჟ”-ს პოზიცია ამ საკითხთან დაკავშირებით, როგორც ის თანხა, რამდენსაც პარიზელები ბრაზილიელის სანაცვლოდ მოითხოვენ.